شنَّ الملحن المصري عمرو مصطفى، هجومًا لاذعًا على مواطنه المطرب رامي جمال، واصفًا إياه بـ"مطرب درجة خامسة"، ومؤكدًا أنه سيقاضيه في المرة المقبلة التي يذكر فيها اسمه.
جاء ذلك ردًا على وصف جمال لمصطفى بـ"النرجسي" خلال مشاركته في أحد البرامج التلفزيونية، يوم أمس الخميس، حيث قال عنه: "فيه نوع من النرجسية، أنا لا أحبه".
بدوره، كتب مصطفى عبر حسابه على "فيسبوك"، مهاجمًا رامي جمال: "هو أنا أترككم تتعدّوا بشكل غير قانوني على ألحاني يعني، ولحن تم غناؤه في برنامج على الهواء أخذته وعملت منه أغنية وصوّرتها، وفي الآخر طالع تقول عليَّ نرجسي، نحن في زمن يُصدّق فيه الكاذب ويُكذَّب فيه الصادق".
وأضاف عمرو مصطفى: "أقسم بالله، لو شفتك في أي مكان أنت وأشكالك لن تجدوا مني غير نظرة احتقار، واوعى تجري تسلّم عليَّ زي ما عملت قبل كده، علشان ههزأك، واوعى تجيب اسمي تاني في مكان علشان هقاضيك أنت وكل إللي شبهك من مطربي الدرجة الخامسة، زمن الرويبضة".
وتابع في منشور لاحق: "أنا نرجسي، أنا مغرور، أنا منفصل عن زمايلي، وفي حالي، ومش بكلم حد في الوسط، ارتاحوا بقى، وبطلّوا تُذكروا اسمي في كل مكان، اقعدوا اعملوا لجان في كل حته تطلع تشتمني، وبرامج مخصوصة لمهاجمتي، كل ده لأني لازم أكون منافقًا وأشكر في ناس منافقة علشان صورتي تكون كويسة قدام الناس، طيب أنا عايز صورتي تكون وحشة، ارتاحوا بقى".
وكان المطرب رامي جمال، علّق على تصريحات عمرو مصطفى بعد أن وصف نفسه بأنه "هو المبدع، والمغني عبارة عن أداة"، قائلًا: "لأ طبعًا، أعوذ بالله، مفيش حاجة في الدنيا نجاحها يتوقف على شخص، الملحن من غير شاعر شاطر أداة، والملحن من غير موزع شاطر أداة، والمطرب الشاطر هو الفاترينة إللي من خلالها عرف وقِدر يكون شاطر".
وأضاف: "فيه نوع من النرجسية أنا مبحبوش، في فرق بأنك عبقري وواحد من الملحنين العباقرة إللي تاريخه مش هينفع ينكرهم، لكن لسه مين ما زعّلوش.. مبقاش عنده حد لسه ما زعّلوش، عاب في كل زمايله، إذا بتعيب في زمايلك أنت بتعيب في مهنتك، لأنه لو زمايلك كانوا معيوبين يبقى مهنتك معيوبة، فأنا شايف نكبّر بعض أحسن".