مغني المهرجانات علي قدورة يعتزل الفن ويستغني عن
صدم مغني المهرجانات المصري علي قدورة جمهوره ومتابعيه بإعلان إعتزاله الفن بشكل مفاجئ، وتبرؤه من كامل أعماله الغنائية التي قدمها في السابق.
وشارك قدورة عبر حساباته على مواقع التواصل الاجتماعي، صورة له ظهر فيها بملابس الإحرام من أمام الكعبة المشرفة، مؤكداً في تعليقه عليها أنه سيبتعد عن الفن للأبد من غير رجعة معقباً: السلام عليكم في يوم جمعة مبارك.. أنا علي عبد القادر السيد، الشهير بـ"علي قدورة" أنا بريء من كل عمل أو مزيكا عملتها في حياتي وبعلن اعتزالي.. عن مجال الأغاني لحد ما يفتكرني ربنا.
وبين قدورة أنه اتخذ هذا القرار بعد أن عاش مواقف غريبة لم يفهمها بشكل جيد، وأكد أنه سيستغني عن كامل ثروته التي جمعها من الغناء وسيمتهن عملاً آخر "حلال" حسب تعبيره، قائلاً: أي فلوس معايا أنا هسيبها بالرضي لأهلي ومش عارف هيبقي الصح إيه وهبقى لا أمتلك إلا صفر.. ومفيهاش حاجة لو بدأت من جديد في أي شغل بالحلال.
وأكمل طالباً من الله العفو والمغفرة: يا رب سامحني عن أي حاجة انا عملتها في حياتي..أو أي حاجة صدرت مني و يا رب قربني ليك وافتحلي باب رزق يرضيك.
أزمته مع عمر كمال
وكان علي قدورة قد أثار الجدل على مواقع التواصل الاجتماعي سابقاً، بعد أن اتهم مواطنه الفنان عمر كمال بسرقة لحن أغنية "إنتي قلبي" من أحد مهرجاناته.
وشارك قدورة عبر حسابه في " فيسبوك" مقطع من أغنتيه الخاصة، وأغنية كمال، وعلق بالقول: لا لا لا مش نفس اللحن يا جماعة، الاستئذان حلو والتقدير أحلى، وللعلم ده لحني أنا، وإسلام كابونجا اللي كاتبها مش منحوت.
وبعد أيام قليلة، فاجأ قدورة متابعيه بحذف المنشور، ونشر تدوينة أخرى أبدى فيها رغبته بالابتعاد عن الفن، جاء فيها: وعرش ربنا اللي بيتهزله 7 سماوات، أنا مش هتكلم في أي حاجة، ولا عايز حاجة وربنا يكرم الجميع، ويطلعني من المجال ده على خير، أنا مش هزعل من حد ولا ليا دعوة بحد، واللي عايز يعمل حاجة يعملها ومسامح بقى لإن أنا زهقت والله بجد خلاص، وحقكم عليا يللي جايين عليا.
