هاجر الشرنوبي تستذكر والدها الراحل بكلمات مؤثرة
عبرت الفنانة المصرية هاجر الشرنوبي، عن اشتياقها لوالدها الراحل مصطفى الشرنوبي، مستذكرة بعض تفاصيل حياتها معه.
ونشرت الشرنوبي عبر خاصية الستوري على حسابها في "إنستغرام" صورة قديمة تجمعها بوالدها، وكتبت: "بابا حبيبي الطيب، وحشتني أوي يا بابا، بحمد ربنا انك أبويا، لا عمرك يوم نيمتني زعلانة، ولا عمرك يوم جيت عليا علشان حد".
ووصفت والدها بالرجل الحكيم والطيب، مؤكدة أنه كان يحرص بشكل دائم على حمايتها وتقديم الأمان والمساندة لها، إذ كانت هي وشقيقها يتوجهان له عند مرورهما بمواقف مؤلمة.
وأضافت الشرنوبي: "بابا موجود يعني كل الدنيا تحت رجلينا، حتى أصحابي دايما كنت رافع راسي أدامهم، كلهم كانو مقهورين عليك".
واستذكرت يوم جنازته التي وصفتها "بالشعبية"، موضحة وجود أشخاص توجهوا لها من جميع بلدان العالم رغم عدم طول مدتها، ومبينة سيرة والدها الحسنة رغم وفاته في عمر صغير.
وأوضحت صفات والدها الحسنة: "لا عمرك جيت على حد ولا ظلمت حد، بالعكس كنت تيجي على نفسك علشان تسعدنا وتسعد الناس، علمتني كتير أوي يا بابا، ولسه بتعلم في غيابك أكتر وأعرف أكتر أد ايه يا حبيبي كنت عارفة قيمتك وعرفتها أكتر وأكتر من بعدك".
وأعربت عن فخرها بوالدها: "لو كانو الـ 24 إيراط بتوعي كلهم فيك فأنا راضية، كفايا إنك أبويا اللي بتشرف بيه في كل حتة وأفتخر بيه وكل الناس بتحسدني عليه".
وتابعت الشرنوبي: "ربنا يرحمك يا طيب يا جميل ياللي لا شفت ولا هشوف زيك، محتجالك أوي بس عارفة انك مبسوط في مكان أحسن من الدنيا الوحشة أوي دي".
واختتمت الفنانة رسالتها مطالبة من جمهورها الدعاء لوالدها الراحل بالرحمة والمغفرة: "أسألكم الدعاء والفاتحة للإنسان الجميل أوي، ده أبويا".
يذكر أن مصطفى الشرنوبي، توفي يوم 16 يوليو 2018.
