أيتن عامر تشارك ذكرياتها مع والدها
قامت الفنانة أيتن عامر بمشاركة جمهورها عبر حسابها الرسمي على موقع "إنستغرام"، مجموعة من الصور التي تجمعها بوالدها، مستخدمة تقنية الذكاء الاصطناعي (AI)، والتي أصبحت واحدة من أبرز الاتجاهات السائدة على منصات التواصل الاجتماعي مؤخرًا.
رسالة أيتن عامر المؤثرة إلى والدها
أرفقت أيتن الصور برسالة شديدة التأثير إلى والدها الراحل، حيث عبرت عن مشاعرها بقولها: "وحشتني أوي أوي أوي وحقيقي محتاجالك، الدنيا مش حلوة يا بابا ولا الناس كمان. كل مرة أواجه فيها اختبار صعب أو أزمة، مفيش حد بيجي في دماغي غيرك، أول واحد بيكون نفسي أركض عليه وأقوله الحقني هو أنت."
وتابعت أيتن: "وجودك كان هيفرق أوي، ويمكن عمري ما قلت إن غيابك سبب لي أزمة كبيرة ولا عبرت عن اللي جوايا. لكن هيجي يوم وأبقى قوية كفاية إني أواجه وجع قلبي وأعبر عن كل ما بداخلي. زعلانة منك في حاجات ومفتقداك في حاجات أكثر بكتير، ومتاكدة إنك لو كنت موجود كنت هتبقى السند. لكن غيابك خلاني أنا السند لنفسي وللناس اللي حواليا، لأن فيا منك كتير، خصوصًا قوتك وجدعنتك مع الكل."
السعادة العائلية الحلقة 9
قوة ابنة تبحث عن راحة
أضافت أيتن: "لكن تعبت من كتر القوة وزهقت، مبقتش عايزة أدخل حروب ولا عايزة مشاكل. اللي عايز يفهم حاجة يفهمها، واللي عايز ياخد فكرة ياخدها. لا هبرر ولا هدافع. لكن اطمئن، بنتك بميت راجل، ومهما قابلت هتفضل واقفة ورأسها في السما. هتاخد استراحة محارب، وعمرها ما هتبدأ حروب، لكن دايمًا هتكون مستعدة لأي حاجة، وساعتها مش هيكون في احتمالية للخسارة."
وجع واشتياق لا ينتهي
استكملت الفنانة رسالتها قائلة: "بحبك ووحشتني وزعلانة منك ومشبعتش منك، وجوايا وجع كبير، لكن مش هقولك غير كلمة واحدة: اتطمن بنتك قدها."
صورة تحولت إلى لحظة بوح
اختتمت أيتن حديثها بقولها: "الترند عبارة عن صورة متصورتهاش، ده ترند منتشر أوي اليومين دول. وأول ما السوشيال ميديا تيم بعتولي الصورة، لقيتني بكتب كلام كتير من قلبي، وجوايا أكثر من كده مليون مرة. عندي صور كتير أوي ناقصها وجود بابا حقيقي، آسفة لو طولت عليكم، شكلّي فضفضت أوي."
آخر أعمالها الدرامية
يذكر أن أيتن عامر قد شاركت في الموسم الرمضاني الماضي بمسلسل "الحلانجي" الذي قام ببطولته الفنان محمد رجب، وشارك في العمل العديد من الفنانين مثل دانا حلبي، عبير صبري، أحمد وفيق، وغيرهم. المسلسل من تأليف محمود حمدان وإخراج معتز حسام.
